ՆՎԵՐ ՔԱՐՏԻ ՊԱՅՄԱՆՆԵՐ ԵՎ ԴՐՈՒՅԹՆԵՐ

1. Ընդհանուր դրույթներ
1.1 Այս նվեր քարտը թողարկվել է ԱՁ Բաբայան Գևորգի կողմից և կիրառելի է «Փղիկ (Pxik.am)» խանութում կամ կայքում։
1.2 Քարտը կարելի է օգտագործել միայն մեկ անգամ՝ «Փղիկ» խանութում կամ կայքում՝ որպես վճարման միջոց (կայքով պատվիրելու դեպքում պետք է քարտը փոխանցել առաքիչին)։
1.3 Քարտի դիմաց հնարավոր չէ ստանալ կանխիկ գումար։
1.4 Քարտի կորստի, վնասման կամ գողության դեպքում այն չի վերականգնվում։
1.5 Նվեր քարտը ետ վերադարձի ենթակա չէ, անկախ այն օգտագործելու հանգամանքից։

2. Օգտագործման կարգ
2.1 Կայքով պատվերը գրանցելու դեպքում որպես վճարման տարբերակ պետք է ընտրել “կանխիկ” տարբերակը։ Խանութում քարտը պետք է ներկայացնել վճարման պահին։ Առաքման դեպքում գումարի փոխարեն քարտը պետք է հանձնել առաքիչին` ամբողջական և վնասվածքներից զերծ վիճակում։
2.2 Եթե գնման ընդհանուր գումարը գերազանցում է քարտի անվանական արժեքը, գնորդը պարտավոր է տարբերությունը վճարել այլ եղանակով։
2.3 Եթե գնման գումարը ավելի քիչ է, քան քարտի արժեքը, չօգտագործված գումարը հնարավոր չէ վերադարձնել կամ փոխանցել հետագա գնումների համար։

3. Վավերականություն
3.1 Քարտը վավեր է գնման օրվանից սկսած՝ մինչև 12 ամիս։
3.2 Ժամկետի ավարտից հետո քարտը համարվում է անվավեր և չի կարող օգտագործվել։

4. Սահմանափակումներ
4.1 Քարտը չի կարող օգտագործվել այլ նվեր քարտի գնման համար։
4.2 Քարտի կոդի, ֆիզիկական վիճակի, արտաքին տեսքի կեղծման կամ վնասման դեպքում այն համարվում է անվավեր։

5. Այլ
5.1 «Փղիկ» խանութը իրավունք ունի փոփոխել սույն պայմանները՝ առանց նախնական ծանուցման, և նոր պայմանները ուժի մեջ են մտնում հրապարակման պահից՝ վաճառքի կետում կամ կայքում։
5.2 Քարտի օգտագործումը համարվում է, որ գնորդը համաձայն է սույն պայմաններին։

Հարցերի դեպքում կարող եք զանգահարել՝

+374 93 55 39 44

+374 41 55 39 44

+374 33 55 39 44